உங்கள் பெயரில் உள்ள SIM-மை வேறு ஒருவருக்குக் கொடுத்தால் என்ன நடக்கும்.?

 #உங்கள் பெயரில் உள்ள SIM-மை வேறு ஒருவருக்குக் கொடுத்தால் என்ன நடக்கும்.? 

சட்டச் சிக்கல்கள் இதோ...! #உங்களுடைய தேசிய அடையாள அட்டை இலக்கத்தில் (NIC) பெற்றுக்கொண்ட SIM அட்டையை (SIM Card) வேறு ஒரு நபர் பாவிப்பதற்கு கொடுத்தால், நீங்கள் அறியாமலேயே பாரிய சட்ட மற்றும் நிதிச் சிக்கல்களில் சிக்குவதற்கு வாய்ப்புகள் மிக அதிகம்.! சட்ட ஏற்பாடுகள் மற்றும் விளக்கம் (Legal Implications in Sri Lanka) இலங்கையின் தொலைத்தொடர்பு ஒழுங்குபடுத்தல் ஆணைக்குழுவின் (TRCSL) விதிமுறைகளின்படி, நீங்கள் ஒரு SIM அட்டையைப் பெறும்போது, அதன் முழுப் பொறுப்பையும் ஏற்றுக் கொள்கிறீர்கள். உங்கள் NIC-இன் கீழ் பதிவுசெய்யப்பட்ட எந்தவொரு SIM அட்டையின் தவறான பயன்பாட்டிற்கும் நீங்கள் மட்டுமே பொறுப்புக் கூறல் வேண்டும்.

1. முழுப் பொறுப்பும் உங்களையே சாரும்: TRCSL மற்றும் சேவை வழங்குநரின் நிலைப்பாடு : ஒரு SIM அட்டை யாருடைய தேசிய அடையாள அட்டையின் கீழ் (NIC) பதிவு செய்யப்பட்டுள்ளதோ, அவரே அதன் சட்டப்பூர்வ உரிமையாளர் (Legal Subscriber) ஆவார். அந்த SIM மூலம் மேற்கொள்ளப்படும் அனைத்துச் செயல்களுக்கும், அதன் மூலம் உருவாகும் சட்டச் சிக்கல்களுக்கும் பதிவு செய்த நீங்களே முதன்மைப் பொறுப்பாளியாகிறீர்கள். அந்த SIM-ஐப் பாவிக்கும் நபர் தவறுதலாகவோ அல்லது திட்டமிட்டோ செய்யும் எந்தவொரு சட்டவிரோதச் செயலுக்கும் (Illegal Activity) பொலிஸ் பிரிவினரும் சட்டமும் முதலில் உங்களைத் தான் தேடி வரும். பாரதூரமான குற்றச் செயல்களில் சிக்கவேண்டிய நிலை வரும் : உங்கள் SIM-மை பாவிக்கும் நபர் பின்வரும் குற்றச் செயல்களில் ஈடுபட்டால், நீங்களே குற்றவாளியாகக் கருதப்படுவீர்கள் : அவதூறு/மிரட்டல் அழைப்புகள்: (Nuisance Calls/Threats) யாரையாவது மிரட்ட அல்லது தொந்தரவு செய்ய அழைப்புகள்/செய்திகளை அனுப்பினால். மோசடி மற்றும் நிதித் திருட்டு : (Fraud and Financial Crimes) ஆன்லைன் மோசடிகள், நிதித் தகவல்களைத் திருடுதல் (Phishing), அல்லது பண மோசடி (Online Scams) போன்ற குற்றங்களுக்கு உங்கள் SIM பயன்படுத்தப்பட்டால் (இலங்கையின் Payment Devices Frauds Act இன் கீழ் கடுமையான தண்டனைக்குரியது). பயங்கரவாதம்/சமூக அமைதிக்கு குந்தகம் : (Terrorism/National Security) நாட்டில் அமைதியின்மையை ஏற்படுத்தும் அல்லது தேசிய பாதுகாப்புக்கு அச்சுறுத்தல் ஏற்படுத்தும் விதமாகச் செய்திகளைப் பரப்புதல். சைபர் குற்றங்கள் : (Cyber Crimes) பிற நபர்களின் தனிப்பட்ட தகவல்களைத் திருடுதல், சட்டவிரோதமாகப் பரப்புதல் போன்ற குற்றச் செயல்கள்.

1. கடுமையான தண்டனைகள்: குற்றத்தின் தன்மையைப் பொறுத்து, நீங்கள் பின்வரும் சட்டச் சிக்கல்களை எதிர்கொள்ள நேரிடலாம் : பொலிஸ் விசாரணை: தேவையற்ற சட்டச் சிக்கல்களுக்காக பொலிஸ் நிலையங்களுக்கும், நீதிமன்றங்களுக்கும் அலைய நேரிடும். சிறைத் தண்டனை மற்றும் அபராதம் : மோசடி அல்லது தீவிரமான குற்றச் செயல்களில் உங்கள் SIM பயன்படுத்தப்பட்டால், சிறைத்தண்டனை மற்றும் பாரிய தொகையை அபராதமாகச் செலுத்த நேரிடலாம். நட்டஈடு வழங்குதல் : உங்கள் SIM-ஆல் பாதிக்கப்பட்டவர்களுக்கு நீங்கள் நட்டஈடு (Compensation) வழங்க வேண்டுமென நீதிமன்றம் உத்தரவிடலாம். நீங்கள் உடனடியாக செய்ய வேண்டியது என்ன?
2. SIM விபரங்களைச் சரிபாருங்கள்: உங்கள் NIC-இன் கீழ் எத்தனை SIM அட்டைகள் பதிவு செய்யப்பட்டுள்ளன என்பதை உடனடியாகச் சரிபாருங்கள்.
3. இதற்கு உங்கள் சேவை வழங்குநரின் வாடிக்கையாளர் சேவைக்கு அழைத்து அல்லது #132# என்ற இலக்கத்தை டயல் செய்து (சில வழங்குநர்களுக்கு இது பொருந்தும்) விபரங்களை அறியலாம்.
4. உங்களுக்கு தெரியாத SIM-ஐ இரத்து செய்யுங்கள்: உங்கள் பெயரில் நீங்கள் பாவிக்காத அல்லது உங்களுக்குத் தெரியாமல் பதிவுசெய்யப்பட்ட SIM அட்டைகள் இருந்தால், உடனடியாக அந்தந்த தொலைத்தொடர்பு சேவை வழங்குநரைத் தொடர்புகொண்டு அவற்றை இரத்து செய்யுங்கள் (Cancel/Deactivate). #பொறுப்பைத் தட்டிக்கழிக்க முடியாது: "அது நான் அல்ல, வேறு ஒருவர்தான் பயன்படுத்தினார்" என்று நீங்கள் நீதிமன்றத்தில் வாதிட்டாலும், பதிவு செய்த உரிமையாளர் என்ற வகையில் உங்கள் மீதான அடிப்படைப் பொறுப்பிலிருந்து நீங்கள் இலகுவில் தப்பிவிட முடியாது. SIM-ஐ கடனாகக் கொடுப்பது வெற்று உடன்படிக்கையில் பிணை கையொப்பம் இடுவதற்கு சமம்! உங்கள் SIM-ஐ மற்றவர்களுக்கு வழங்குவது, ஒரு வெற்று ஆவணத்தில் கையெழுத்திட்டு அவர்களிடம் கொடுப்பதற்கு சமமாகும். அதை வைத்து அவர்கள் என்ன வேண்டுமானாலும் செய்யலாம், ஆனால் பழி முழுவதும் உங்கள் மீதுதான் விழும்! இதை மறக்காதீர்கள்: உங்கள் தேசிய அடையாள அட்டை உங்கள் அடையாளம்! உங்கள் NIC-இன் கீழ் உள்ள SIM-இன் முழுப் பொறுப்பும் உங்களின் கைகளில்! உடனடியாகப் பகிருங்கள்.! உங்கள் நண்பர்கள், உறவினர்கள் என எல்லோரும் இந்த அபாயகரமான சட்டச் சிக்கலைப் பற்றித் தெரிந்துகொள்ள உதவுங்கள்! 

        நன்றி.! சட்டத்தரணி குமாரசிங்கம் கம்ஷன்