ChatGPT vs Claude vs Gemini: உங்களுக்கான சிறந்த AI எது?

⚖️ இந்த பாகம் ஏன் தேவை?

இதுவரை நாம் ChatGPT, Claude, Gemini மூன்றையும் தனித்தனியாக பார்த்தோம். ஆனால் பலர் ஒரு கேள்வி கேட்கிறார்கள்:

"மூன்றும் இருக்கின்றன — எதை பயன்படுத்துவது? எப்போது எதை தேர்வு செய்வது?"

இந்த பாகம் அந்த கேள்விக்கு தெளிவான பதில் சொல்லும்!

🏢 முதலில் — மூன்றையும் சுருக்கமாக அறிவோம்

AI	நிறுவனம்	சிறப்பு அம்சம்
ChatGPT	OpenAI, அமெரிக்கா	2022இல் உலகை மாற்றியது. AI உரையாடலின் முன்னோடி
Claude	Anthropic, அமெரிக்கா	AI பாதுகாப்பை மையமாக வைத்து உருவாக்கப்பட்டது. தமிழினை சரியாக விளங்கிக்கொண்ட AI
Gemini	Google DeepMind, அமெரிக்கா	உலகின் மிகப்பெரிய தேடுபொறியின் AI சக்தி

📊 விரிவான ஒப்பீடு — வகைவாரியாக

🥇 1. பொதுவான உரையாடல் & எழுத்து

ChatGPT — மிகவும் இயற்கையாக உரையாடும். எந்த தலைப்பிலும் சுலபமாக பேசும். ஆரம்பிக்க மிகவும் எளிமையானது.
Claude — நீண்ட, ஆழமான உரையாடல்களில் சிறப்பானது. சிக்கலான கேள்விகளுக்கு படிப்படியாக சிந்தித்து பதில் சொல்லும். கட்டுரை, ஆய்வு, விளக்கம் எழுதுவதில் மிகவும் திறமையானது.
Gemini — Googleஇன் பாணியில் தெளிவாக, சுருக்கமாக பதில் சொல்லும். Google Search உடன் இணைந்திருப்பதால் தகவல்கள் புதியதாக இருக்கும்.

💡 யாரை பயன்படுத்துவது? எழுத்து வேலைகளுக்கு Claude. சாதாரண கேள்விகளுக்கு ChatGPT. இன்றைய நிகழ்வுகளுக்கு Gemini.

🥇 2. இணையத் தேடல் & புதிய தகவல்கள்

Gemini — தெளிவான வெற்றியாளர்! Google Search உடன் நேரடியாக இணைந்திருப்பதால் இன்றைய நிகழ்வுகளை உடனுக்குடன் சொல்லும்.
Perplexity — இதுவும் மிகவும் சிறப்பானது. ஆதாரங்களுடன் பதில் சொல்லும். Googleஇன் நேரடி போட்டியாளர். இந்திய தமிழரால் அமெரிக்காவில் உருவாக்கப்பட்ட AI. (இது பற்றி பின்னர் தனியாக ஒரு பாகத்தில் எழுதுகிறேன்.)
ChatGPT — Web browsing வசதி உண்டு. ஆனால் Gemini அளவிற்கு வேகமாக இல்லை.
Claude — Web search வசதி உண்டு. ஆனால் Googleஇன் ஆழம் இல்லை.

💡 யாரை பயன்படுத்துவது? இன்றைய செய்திகள், புதிய தகவல்கள், நிகழ்கால நிகழ்வுகள் — Gemini அல்லது Perplexity.

🥇 3. நீண்ட ஆவணங்கள் பகுப்பாய்வு

Claude — தெளிவான வெற்றியாளர்! 100 பக்க PDF கொடுத்தாலும் படித்து விளக்கும். நீண்ட ஒப்பந்தங்கள், அறிக்கைகள், புத்தகங்கள் — எல்லாவற்றையும் ஆழமாக புரிந்துகொள்ளும். எனது இந்த தொடரிற்கு நிறையவே உதவி செய்கிறது.
NotebookLM — உங்கள் ஆவணங்களில் மட்டுமே கவனம் செலுத்தும். வேறு தகவல் கலக்காது. இது Googleஇன் ஒரு AI. மாணவர்கள் மற்றும் ஆராய்ச்சியாளர்களுக்கு மிகவும் பயனுள்ளது. (இது பற்றியும் பின்னர் தனியாக எழுதுகிறேன்.)
ChatGPT — நீண்ட ஆவணங்களை படிக்கும். ஆனால் Claude அளவிற்கு ஆழமாக இல்லை.
Gemini — Google Drive ஆவணங்களுடன் நேரடியாக இணைக்கலாம்.

💡 யாரை பயன்படுத்துவது? நீண்ட PDF, ஆவணம், புத்தகம் — Claude அல்லது NotebookLM.

🥇 4. படம் உருவாக்கல்

ChatGPT (DALL-E 3) — தெளிவான வெற்றியாளர்! உரையாடல் வழியில் படம் கேட்கலாம். தமிழ் promptஇற்கும் சிறப்பாக வேலை செய்யும். இந்தத் தொடரின் அனைத்து படங்களும் இதன் மூலமே!
Gemini (Imagen) — தமிழ் prompt புரிந்துகொள்ளும். நல்ல தரம்.
Claude — படம் உருவாக்கும் வசதி இல்லை. ❌

💡 யாரை பயன்படுத்துவது? படங்கள் வேண்டுமா? எனது தெரிவு ChatGPT மட்டுமே!

🥇 5. குறியீடு எழுதல் (Coding)

Claude — நிரலாளர்களிடையே மிகவும் பிரபலம். சிக்கலான குறியீடு பிரச்சனைகளை ஆழமாக சிந்தித்து தீர்க்கும். Claude Code என்ற தனி கருவியே உண்டு!
ChatGPT — குறியீடு எழுதுவதில் மிகவும் திறமையானது. விளக்கங்களுடன் சொல்லும்.
Gemini — Google Colab உடன் இணைந்து நேரடியாக சோதிக்கலாம்.

💡 யாரை பயன்படுத்துவது? சிக்கலான coding — Claude. எளிய coding — ChatGPT. கட்டணம் செலுத்தி பயன்படுத்துகிறீர்கள் எனில் Claude சரியான தெரிவாக இருக்கும்.

🥇 6. Google Workspace இணைப்பு

Gemini — தெளிவான வெற்றியாளர்! Gmail, Docs, Sheets, Calendar, Meet — எல்லாவற்றிலும் நேரடியாக AI உதவி கிடைக்கும்.
ChatGPT — Microsoft Office உடன் இணைப்பு உண்டு.
Claude — தனி workspace இணைப்பு இல்லை.

💡 யாரை பயன்படுத்துவது? Googleஐ அதிகம் பயன்படுத்துபவர்கள் — Gemini.

🥇 7. குரல் உரையாடல்

ChatGPT (Advanced Voice Mode) — தெளிவான வெற்றியாளர்! இயற்கையான குரலில் உரையாடலாம். உணர்ச்சிகளுடன் பேசும். தமிழிலும் பேசலாம்.
Gemini — குரல் உரையாடல் வசதி உண்டு. Android மொபைலில் நேரடியாக பயன்படுத்தலாம்.
Claude — குரல் உரையாடல் வசதி இல்லை. ❌

💡 யாரை பயன்படுத்துவது? பேசி பதில் பெற வேண்டுமா — ChatGPTதான் ஒரே தெரிவு.

🥇 8. நம்பகத்தன்மை & பாதுகாப்பு

Claude — தெளிவான வெற்றியாளர்! AI பாதுகாப்பையே மையமாக வைத்து உருவாக்கப்பட்டது. தவறான தகவல்களை சொல்ல மறுக்கும். நெறிமுறைகளில் மிகவும் கவனமானது.
ChatGPT — நம்பகமானது. ஆனால் சில நேரங்களில் தவறான தகவல்களை சொல்லும்.
Gemini — Googleஇன் தரவுகளுடன் இணைந்திருப்பதால் தகவல்கள் பொதுவாக நம்பகமானவை.

💡 யாரை பயன்படுத்துவது? முக்கியமான, நம்பகமான பதில் வேண்டுமா — Claude.

🥇 9. தமிழ் மொழி ஆதரவு

Claude — ஈழத்தமிழை சிறப்பாக புரிந்துகொள்ளும். இலக்கண பிழைகளை சரிசெய்யும். தமிழில் எழுதுவதில் மிகவும் திறமையானது.
ChatGPT — தமிழில் நன்றாக பேசும். தமிழ் promptஇற்கு படமும் உருவாக்கும்.
Gemini — Google Translateஇன் சக்தியுடன் தமிழ் மொழிபெயர்ப்பில் சிறப்பானது.